Hartara zornotzarrek Hiri Antolamendurako Plan Orokorra idazteko prozesuan parte hartzeko aukera izango dute, "udalerriarentzat egokiagoa den hiri eredu baten definizioa bere egiteko". Horrela jakin eragin dute ohar baten bitartez. Hiri Antolamendurako Plan Orokorraren agiria "ulerterrezagoa" izatea da helburua, eta herritarrak udal erabakietan "nahastea".
Hirigintza arloan herritarrek dituzten gogo, kezka eta interesei erantzun gura die horrela udalak eta datozen urteetan jarraitu beharreko lerroak zehaztuko dituen behin betiko agiria idatzi. Herritarrek plan orokorra ezagutzeko eta horri buruzko informazioa izateko duten eskubidea "erraztu" gura du udalak, "agiri teknikoak eskura jarriz eta hauek ulertzen lagunduz". Hirigintza arloko agiria jendaurrean jarriko da hainbat fasetan, "herritarrek une oro testuak izandako aldaketen berri izan dezaten".
Herritarrei zuzenduta hitzaldiak eta mahai-inguruak antolatzea aurreikusi dute. Era berean, udal bulegoetan informazio panelak jarriko dituzte.