Zorrontzakok, ostera, aurrenekoz jokatuko du Lehenengo Erregionalean. Bigarren Erregionalean egonkortzea lortu zuenetik, igotzeko hautagaien artean egon da urtero. Iaz urtea indartsu hasi zuen, baina hauspoa galdu zuen denboraldiak aurrera egin ahala. Aurten oso erregular ibili da, eta horrek eman dio igoera: “Denboraldi biribila irten zaigu”, adierazi du Oier Larrondo jokalariak.
Aste Santuaren aurretik Orduña 0-1 menderatuta lortu zuen taldeak igoera. Partidua amaitzear zela, 88. minutuan heldu zen gola, Mikel Ariz zentralaren jaurtiketa bati esker.
Zorrontzako talde fidagarria izan da etxean zein kanpoan. Denboraldi osoan hiru partidu bakarrik galdu ditu, eta mailako talderik golegileena izan da (70 gol). Horren erantzuleetako bat Unai Becerra da: hamazazpi gol sartu ditu.
Amorebieta B igotzear
“Polita litzateke Amorebieta B ere igotzea, eta datorren urtean maila bat gorago derbia errepikatzea”, dio Larrondok. Aukera handia dago hori gertatzeko. Zazpi puntuko abantaila ondo kudeatzean dago gakoa. Maiatzaren 3an, azkenaurreko jardunaldian, elkarren kontra jokatuko dute Amorebieta B-k eta Solokoetxek. Igoera jokoan badago, oso partidu berezia izango da.
Zorrontzako taldea: 