Aurten 42. aldia egingo du txapelketak. Zapatuan 16:00etatik 20:00etara lehenengo kanporaketa faseak jokatuko dituzte. Eguneko 20 onenek domekan ebatziko dituzte txapelak, 10:00etatik aurrera hasiko den jardunaldian.
Zornotzan tradizio handia du bolo jokoak. Hainbat bolo taldek bizirik eusten diote tradizioari. Bizkaiko 51. Bolo Txapelketa ere hasita dago (zazpi jardunaldi joan dira) eta joan zen asteburuko jardunaldia Bernagoitian jokatu zuten. Txapelketari amaiera emango dion jardunaldia, aldiz, Epaltzan jokatuko dute, maiatzaren 24an.