Apirilaren 27an, domekan, udaletxeko plazatik abiatuko dute, 10:00etan, Santamañezarrera igoera, eta ikurriña ipiniko dute tontorrean.
Herrigunean jarraituko dute Castet Eguneko egitarauagaz, eguerdian: kalejiran joango dira Olazarretik Castet elkartearen egoitzaraino, 12:30ean; eta ekitaldi politikoa eta bazkaria egingo dituzte, ondoren, egoitza horretan.
Ahaztuak, Berriz 1936 Gogoratzen, Andikona eta Durango 1936 elkarteen laguntzagaz antolatu ditu Zaldibarko Castet Elkarteak domekako ekitaldiok.