Euskara maila apalenekoei eragiten die erabakiak: A1, A2 eta B1 mailakoei seguru, eta oraindik erabaki barik dute B-2koak ere sartu ala ez.
Euskara ikasten aritu denak hurrengo ikastaroan ere jarraitu dezala sustatzea da laguntza honen helburua eta modu horretara aplikatuko dute. Hau da, urtero, euskaraz ikasten jarraitzea erabakitzen duenak aurreko urteko ikastaroko zenbatekoaren %50 jasoko du.
Beraz, euskaraz ikasten dabiltzanek matrikularen erdia ordaintzeko laguntza jaso dezakete ikastaro bakoitzaren amaieran, urtero legez. Baina, A1, A2 eta B1 mailakoentzat doakoa izan daiteke, beti ere hurrengo urtean ikasten jarraitzea erabakitzen badute.