Gaur, Ruben Garate ‘Anselmo’ oroitzen duen eta dispertsioa salatzen duen mozio bat eztabaidatuko dute udalbatzarrean eta ondoren, 19:00etan, kontzentrazioa egingo dute herritarrek udaletxe pareko plazan. Bizkaiko Sortuk ekimen horiekin bat egingo duela iragarri du prentsa ohar batean eta baita zapaturako prestatuta dauden ekimenekin ere. Urteroko ohiturari eutsiz, zapatuan, 09:30ean, Motxotegira mendi ibilbidea antolatu dute plazatik irtenda. Ondoren, 13:30ean, ekitaldia burutuko dute plazan. Azkenik, 15:00etan, herri bazkaria egingo dute.