Antolatzaileek azaldu dutenez, izena emateko lehentasuna herriko umeek izango dute. Udalekuen ordutegia astelehenetik ostiralera 09:30etik 13:00etara izango da.
Udalekuek irauten duten hiru asteetan umeek hainbat ekintzatan parte hartzeko aukera izango dute. Eguenetan Berrizko igerilekuetara eta Basondora irteerak aurreikusi dituztela aurreratu du Satxibu elkarteko Maider Gisasolak. Gainerako egunetan Mallabia inguruan ibiliko dira. “Egun bakoitzean gai bat lantzeko asmoa dugu”, dio Gisasolak.