Eguenean Biharko Izarrak txapelketako estreinaldia izango du.
Barikuan, 20:00etan, Lezamako pilota txapelketako finala jokatuko du Gorka Otaduy berriztarragaz bikotea osatuz; Laso eta Martija nafarrak izango dituzte aurkari: “Aurkariak puntan dabiltzan pilotariak dira eta partidu estua izango da”.
Zapatuan, Tolosako Miguel Soroa txapelketako finalerdia jokatu du. Txapelketa Oier Etxebarriagaz hasi zuen, baina eskuko mina dela-eta Mikel Urizar markinarrak ordezkatu zuen: “Partidu onak egin ditugu eta gustura nabil Urizarregaz”. Errandonea eta Ibarrondoren aurka jokatuko dute.
Azkenik, domekan, Otaday eta biek, Euskal Ligako finalerdia jokatuko dute Iurretako Olaburu pilotalekuan; Gasteizko Zaramaga taldeko Larrañaga eta Hernández izango dituzte kontrario. Elordi eta Otaduy iaz irabazitako txapela defendatzen dabiltza aurten.