Debabarreneko Amankomunazgoaren eta Gipuzkoako Aldundiaren laguntzagaz Mallabiko Udalak autokonpost eta auzokonpost kanpainak jarri ditu martxan. Mila Mondragon alkateak dioenez, “helburua da organikoa Mallabian bertan gelditzea”. Konpost sistema erabiltzen duten herritarrek, gainera, %15eko hobaria izango dute zaborraren fakturan.
Herrigunean auzokonposterako lau gune jarri dituzte: Ansoagan, Intxaurtin, Arteizen eta Mallabarrenan. Gune horiek datozen egunetan martxan jarriko dituzte, eta erabiltzaileek bertako giltzak izango dituzte.