Trenaren tarifikazioan Berriz eta Zaldibar laugarren gunera pasa dituzte berriro

Anboto 2017ko api. 12a, 14:20

Bizkaiko Foru Aldundiko ordezkariak Berrizko Udal arduradunekin batzartu dira gaur. Prentsa oharrean azaldu dutenez, hilaren amaieran gauzatuko da aldaketa. 

Bizkaiko Foru Aldundiak prentsa oharrean azaldu duenez, Vicente Reyes, Garraio, Mugikortasun eta Lurraldearen Kohesioa Sustatzeko foru-diputatua, Berrizko Udaleko ordezkariekin bildu da gaur goizean. Orlan Isoird alkatea eta Francisco del Pino zinegotzia izan dira batzarrean. Aldundiaren arabera, bi ordezkarion eskariz egin da bilera, "tarifikazio berriak ekarri duen egoera aztertzeko". Izan ere, horren arabera, Berriz eta Zaldibar 5. guneari atxiki zaizkio, nahiz eta, orain arte, 4. gunekoak izan diren.

Batzar horretan Vicente Reyesek esan du, behin betiko erabaki bat izan arte Berrizek eta Zaldibarrek orain arte izan duten tarifa-zonaren barruan jarraituko dutela, hau da, 4.ean.

Prentsa oharrean aurreratu dutenez, irizpide bereko agertu dira Tarifak Bateratzeko Batzordea osatzen duten gainerako administrazio eta eragileak. Beraz, hilaren amaieran, batzordeak onartuko du Berriz eta Zaldibar berriro sartzea 4. gunean. Gero, teknikoki ahalik eta lasterren egingo dira egin beharreko aldaketak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!