Azaroaren 20an, 27an eta abenduaren 11n egingo dituzte Durangaldeko maketa lehiaketaren zuzenekoak, Zornotzako Zelaieta zentroko kontzertu gelan.
Azaroaren 20an, Atzekabe, Nevadah eta Brainfall taldeek joko dute; 27an, Eresi, Yellow Marsupials eta Alter Ego taldeek eskainiko dute kontzertua; eta Desore, Primeros Auxilios eta Hamaika Ikusteko Jaioak taldeak ariko dira, abenduaren 11n.
Abadiño, Amorebieta-Etxano, Durango eta Iurretako udalek antolatzen dute musika lehiaketa hau, eta hirugarren urtea da antolatzen dutena.