Begirale ikastaroa urrian hasiko da, eta maiatzera arte iraungo du. Hilean asteburu bitan elkartuko dira Behargintzaren egoitzan, eta Urtxintxa eskolaren eskutik jasoko dute ikasgaia. Alde teorikoa eta praktikoa garatuko dituzte.
Eusko Jaurlaritzaren Kultura Sailaren titulu ofiziala jasoko dute ikastaroa amaitzen duten gazteek. Parte hartzeko, beharrezkoa izango da 2015. urtea amaitu orduko 18 urte eginda edukitzea.
Matrikula, doan
Amankomunazgoko euskara zerbitzua garatzen duten herrietako –Abadiño, Atxondo, Berriz, Durango, Elorrio, Iurreta, Izurtza, Mañaria eta Zaldibar– gazteek doan izango dute matrikula.