Zornotzako finalaurrekoan. domekan, 700 entzule inguru batu ziren frontoian. Azken txanpa zen, eta jakinmina nagusi: Asteburu bateko atsedenaldiaren ostean, Bizkaiko bertsolari txapelketako finalean nork kantatuko duen erabaki zen Zornotzan.
Saio bizia egin zuten bertsolariek, eta finalera sailkatu dira hiru. Arkaitz Estiballes lortu zuen puntu gehien (499,5) eta Jone Uria (496 puntu) eta Oihana Bartra (478,5 puntu) ere sailkatu dira, puntuazioagatik. Durangaldetik, Garikoitz Sarriugarte bertsolaria izan zen oholtzan, eta ez zuen saio biribil-biribila egin. Kartzelako lanean finago ibili zen zaldibartarra, eta seigarren egin zuen azkenean, 431 puntugaz.
Finalerako azken prestaketak hasiko dituzte orain bertsolariek. Bilboko Miribillan, Bilbao Arenan izango da finala, abenduaren 20an, 17:30ean.