Domekan abiatuko dute, 'Josi' leloagaz, Bizkaiko bertsolari txapelketaren udazkeneko fasea. Udaberrian eskualdekako txapelketak jokatu ostean, 30 bertsolarik hasiko dute kanporaketa fasea. Tartean Durangaldeko bertsolariak ere badaude, eta lehen kanporaketan euretako hiru entzuteko aukera egongo da; Aitor Bizkarra abadiñarra, Beñat Ugartetxea mallabiarra eta Garikoitz Sarriugarte zaldibartarra ibiliko dira kantuan, Ubon Ajuriagojeaskoa, Iñaki Iturriotz eta Julen Erezumagaz.
17:30ean hasiko da saioa, Torrezabal kultur etxean.