Zatozkida, goi Arnas!
Eizu nerekin lan
Herri baten arnasa
mamitu dezadan.
Geroak esan beza
Herri bat izan zan
edota hats emaiogun
hontan iraun dezan.
(Orixeren Euskaldunak poemaren hasiera)
Hala bazan, hala ez bazan
sar dadila kalabazan
ipuin on bati nahi nion
atzez aurrera erasan.
Ohorezko euskaltzain bat
daroat orain arnasan
asko eskertzen dudala
besterik ezin dut esan.
Orixek bere poema
abiatu zuen gisan
hitz bi aldatuz nahi nuke
hots egin Bilboko plazan
geroak esan dezala
Euskaltzaindi bat izan zan
edota hats emaiogun
indarrean iraun dezan.