Bestalde Orue Eskolako txirrindulariek momentu oro kontrolpean eduki zuten lasterketa. Lasterketa irabazteaz gain, Durangues Txirrindulari elkarteko txirrindulariak lasterketa buruan ibili ziren uneoro, eguneko ihesaldian Beñat Etxebarria sartuz.
Elejabarrieta nahiz eta ihesaldian ez zen sartu, Muniketaganeko lehen igoeran tropeletik aurrerantz joan eta lehenengoekin bat egitea lortu zuen beste kide batzuekin batera. Bigarren igoeran berriz, Gartzen Elejabarrietak gainontzekoak atzean utzi eta azkeneko 10 kilometroak bakarrik egin zituen. Azkenean, Zornotzako helmugara ia minutu bateko errentarekin iritsi zen Bestalde Orue Eskolako txirrindularia.
Abadiñarrak, orain dela aste batzuk bizikleta uzteko zorian egon zela adierazi du sare sozialetan. Orain, urteko lehen garaipena lortuta, bizikleta gainean berriz ere, disfrutatzen dabilela esan du Gartzen Elejabarrietak.