Parte hartuko duen talde bakoitzak gutxienez sei kide izango ditu, eta Arratia-Txorierri, Bilboaldea, Busturialdea, Uribe Kosta, Enkarterriak, Durangaldea eta Lea-Artibai eskualdeak ordezkatuko dituzte.
Igorren egingo dute, bihar, lehenengo saioa, eta martxoaren 17an, Durangoko institutuan jokatuko dute sariketako hirugarren saioa. Azken urteetan bezala, Bilboko Kafe Antzokian jokatuko dute sariketaren finala: martxoaren 26an izango da finala.
Ohi bezala, bi adin-mailatan jardungo dira parte-hartzaileak: 18 urte artekoak, alde batetik, eta 18 eta 24 urte artekoak, bestetik.
Txapela janzten duen taldeak 1.260 euroko saria jasoko du; 900 eurokoa bigarrenak; eta 140 eurokoa bizkaierarik onena erabiltzen duen bertsolariak.