Datorren hilean Bizkaibuseko zerbitzuan hainbat moldaketa egongo dira, eta sindikatuek 300 lanpostu ikusten zituzten arriskuan, horregatik ekin diete protestei. Foru Aldundiagaz atzo egindako batzarrean linea berri batzuk abiatu eta beste batzuk indartzeko konpromisoa hartu zuten aldundiko arduradunek, eta moldaketekin lanpostuak salbatuko direla uste dute.
UGT, ELA, CCOO, LAB eta LSB-USO sindikatuek bat egin dute eskari eta protestetan eta akordioa ere guztiek ikusi dute begi onez.