Berrizen egingo den txapelketa honetan, txoka eta kardantxilo arrazako txoriek parte hartuko dutela jakitera eman dute antolatzaileek. Horrez gain, bertara biltzen den zale orori beren txoriagaz parte hartzeko aukera emango dietela adierazi dute.
Maiatzaren 14an egingo den lehiaketa 9:30ean hasiko da, Berrizko udaletxeko lorategian. Antolatzaileek adierazi dutenez, euria eginez gero eskolako aterpe berrian egingo litzateke lehiaketa, udaletxeko lorategian egin beharrean.
Bestalde, epaimahaiko kideak Berangotik eta Lemoatik etorriko direla jakitera eman dute antolatzaileek.