Domekan, 13 taldetako 300 bat umek Berrizko kaleak alaituko dituzte euren dantza saioekin.11:00etan, Berrizen bilduko diren 11 taldeei harrera egingo diete, eta 11:30ean, kalejiran irtengo dira herriko kaleetatik.
Kalejiraren ostean, 13:30 inguruan, talde guztiak frontoian elkartuko dira. Gero, umeak bazkaltzera joango dira herriko etxe, taberna eta elkarteetara. Bestalde, 14:00etan, herriko tabernetatik zehar trikipoteoa egongo da trikitilariek lagunduta.
Arratsaldean, berriz, 16:30ean, ume guztiak frontoian batu, eta 17:00etan alardeari ekingo diote.
Eguneko azken dantza saioa Olakuetako plazan egitea aurreikusita duten arren, euria egiten badu kiroldegian egingo dutela esan dute Umeen Euskal Jaiko antolatzaileek.