Igogailuaren ekimenaz gain, espaloietan laban ez egiteko tratamendua ematea ere onartu dute, 8.000 euroko aurrekontuagaz. Hirugarren egitasmorik bozkatuena futbol zelaiko taberna ingurua estaltzeko pergola da, eta, horretarako, 22.000 euro beharko dira. Guztira, foroetatik bideratzeko 100.000 euroak gainditu direnez, pergola egiteko itxaron egingo dute.
Auzoetan, bestalde, 50.000 euro non inbertitu erabaki behar zuten, eta auzoetan ganadua errepidera ez irteteko langa kanadiarra jartzea onartu dute. Bilbatuatik Sarriako eskola zaharrerako asfaltoa ere konponduko dute, aldapa hori labankorra delako.