Bideragarri izan daitezkeen inbertsioen zerrenda ezagutaraziko dute batzarretan, eta herritarrek bozkatzeko aukera izango dute.
Aurrekontu parte-hartzaileen foroak bitan banatuta daude; herriguneko inbertsioetarako batzarra dago batetik, eta auzoetakoa, bestetik. Martitzenean, herriguneko batzarra egingo dute, eta eguenean, auzoetakoa. Batzarrak 19:30ean hasiko dira, kultur etxean.
Herrigunean inbertitzeko 100.000 euro nora bideratu erabaki behar dute, eta auzoetako ekimenetarako, 50.000 euro dituzte zertan inbertitu erabakitzeko.
31 partaide
Abenduko batzarretan hogeita hamaika berriztarrek parte hartu zuten; hogeik herriguneko foroan eta hamaikak auzoetakoan. Herritar norbanakoak eta elkarteetako ordezkariak izan dira batzarretan. Orland Isoird alkateak batzarretara joateko gonbidapena egin du, eta udal teknikariek hilabetean egindako lana eskertu du: “lan handia da proposamen guztiak aztertu eta baloratzea”.