Kontulekuren helburuetako bat euskaraz gozatzeko esparru bat sortzea da, eta guraso euskaldunek zein euskaraz ez dakitenek parte hartu dezakete tailer berezietan. Euskara sailetik azaldu dutenez, guraso euskaldunekin saio osoa euskaraz egingo dute, eta erdaldunekin, berriz, umeekin dauden tartean euskaraz egingo dute, eta gurasoekin berba egiteko tarteetan, gaztelaniaz: “Horrela, haurrek ikusiko dute gurasoek euskararik jakin ez arren, euskarazko jarduera horretan biak batera gustura ari direla”.
3-4 urte bitarteko umeen familiei zuzendutako tailerra da. Urriaren 24an hasi, eta saioak sei zapatutan egiteko asmoa dute. Informazio gehiagorako, Euskara sailera jo daiteke.