Irailaren 18an eta 25ean kale antzezlanak izango dira ikusgai. Irailaren 18an, Ortzi Acostak eta David Madinabeitiak Ilusioa izeneko ikuskizuna eskainiko dute, 18:00etatik aurrera, udaletxeko lorategian. Zuzeneko musika, akrobaziak, umorea eta drama uztartzen dituen ikuskizuna da Ilusioa.
Dieguete izeneko pertsonaiaren istorioa, La risa es bella izenburukoa kontatuko du, bestalde, Circortito konpainiak, irailaren 25ean. Malabareak eta askotariko jolasak darabiltza protagonistak. Publikoak ere hartzen du parte ikuskizunean.
Irailaren 26an, bestalde, Mikel Urdangarin musikari zornotzarra bakarlari gisa ariko da, 20:00etatik aurrera, Mikel Deunaren baselizan.