Domekan, San Migel ermitan elkartuko dira, eta ibilaldia egingo dute Berrizko baselizetatik. Martxaren hogeigarren edizioa da. Bi ibilaldi prestatu dituzte, laburra, 14 kilometrokoa, eta luzea, 24 kilometrokoa. Goizeko 07:30ean irtengo dira luzera doazenak, eta 09:00etan laburreko partaideak. Eguerdian meza izango dute auzoko hildakoen omenez, eta, ostean, Iremiñe dantza taldearen saioa eta bertsolariak izango dira.
San Migel egunean meza edukiko dute, 19:00etan, eta, ondoren, omenaldia egingo diote Emilio Bastidari. Gautxori taldeagaz amaituko dute eguna.