Martxoaren 7an, berriz, ska musika izango da protagonista, eta, besteak beste, Bordeleko (Frantzia) Resaka Sonora taldeak zuzenekoa eskainiko du. Martxoko beste gau batean, emakumeek osatutako musika taldeak batu gura dituzte. Oraindik ez dute emanaldi horretarako egunik finkatu, baina Algorta-Bilboko Octopussys taldeak baieztatu du etorriko dela.
Eskaera asko jaso dituzte
Sare sozialen bidez 45 talde inguruk jakinarazi dute Atxondoko gaztetxean jotzeko prestutasuna. Horregaz batera, gaztetxeko kideek bazuten gogoa, ohiko punk musikaz gainera, bestelako estiloetako kontzertuak ere antolatzeko. Horrela, bi gertaera horrek elkartuta, estilo askotako musika gauak antolatzea erabaki zuten.