Gerediaga Elkartea Durangaldeko bisita gidatuen katalogoa osatzen dabil, herri guztienek gutxienez bat izateko helburuagaz. Gaur gaurkoz, Durangoko, Elorrioko, Garaiko, Iurretako eta Otxandioko bisitak daude prest. 

Elorrioko eliza eta hiribildua, Argiñeta eta Gurutzeen bidera egindako bisitak nabarmendu ditu Elorrioko turismo bulegoak bisita gidatuen artean. "Egiten dugun balorazioa oso positiboa da, eta Elorriok duen ondarea ikustean bisitariak harrituta gelditzen dira", azaldu dute ohar baten bidez.