Lehengo petrilak kenduta, aisialdirako gune irisgarriago bat estreinatu du plazak. Horrez gainera, zoladura, landaredia, hiri-altzariak, iturria eta argiztapena berritu dituzte.

Jaietako bigarren zapatuan gozatuko dute eurek eurentzat propio prestaturiko egunaz, baina argi dute gainerako egunetan ere kalean, jai giroan, murgilduta egongo direna. Andrea Cuesta, Itsaso Urriz, Ane Urien, Iker Bastarrika eta Eukene Bravo Traña-Matienako Gazte Asanblada osatzen duten kideetariko batzuk dira. Lehenengo hirurek 2015ean ekin zioten beste hainbat kidegaz batera Gazte Asanbladan eragiteari. Urteak joan urteak etorri, Asanbladari eutsi diote. Azken biak, ostera, heldu berriak dira. Jaietako Gazte Eguna baliatu gura dute Asanbladara kide berriak erakarri eta haize freskoa sartzeko.