Aplikazio berriagaz, garraio erabiltzaileei erraztasuna ematea da Bizkaiko Garraio Partzuergoaren helburua. Google PlayStoretik edo www.ctb.eus ataritik deskargatu daiteke aplikazioa, eta momentuz Android 4.0ko sistemetan erabili ahal da. Baina, arduradunen asmoa plataforma gehiagotara ahalik eta lasterren hedatzea da. Aplikazioa 740 erabiltzailek probatu dute lehenengo, esperientzia pilotu legez, sei hiletan zehar.
Ohiko kargatze-sistemek ere jarraituko dute martxan. Uneotan 1,3 milioi txartel daude martxan, eta Bizkaiko 800 gunetan egin daiteke kargatzeko ariketa.