Udari amaiera eman eta udazkenari ongi etorria emateko asmoz, artisau, sortzaile eta ekoizleen Eixu elkarteak azoka antolatu du Atxondon. Azoka irailaren 19an izango da, domekan, plazan, eta 10:30etik 15:00etara egongo da zabalik.
Familientzako kale antzerkia Toni La Sal eta Antzezkizuna Giñol taldearen eskutik. Euria bada Landako Gunean izango da ikuskizuna. Bestalde, jolas gunea antolatu dute, 11:00etan, Tabira parkean (euriagaz Landako Gunean).
Antzerkia Gorakada konpainiaren eskutik. Bestalde, Urban Show kirol erakustaldia: Freestyle, Parkour, Flatland, Roller BMX eta Trialsin, 18:00etan, Landako Gunean.
Domekan, Bideak dokumentala eskainiko dute Garain, Aritz Ganboa de Miguel artzain eta mendi kirolari nafarraren erronka jasotzen duen pelikula. Ganboa de Miguelek mendi ibilbide bat egin zuen 2019ko urrian, jaioterri duen Arruazu herria (Sakana) eta Izaba (Erronkaribarra) lotuta.