Horregatik, lanpostuko funtzioak zehazten jarraitzeko eta ikastetxeko eskaintza beharrizanetara egokitzeko, diagnostiko bat egiten dabil Orue eskola bere 10. urteurrenean.
Ikastetxetik irtendako gizarteratze teknikarien lehen belaunaldia iazkoa izan zuten. Zenbait elkartetan praktikak egiten zebiltzala, lanpostuaren definizio sakonagoa, zehatzagoa eta xehatuagoa behar zela ohartu ziren Maitane Muñoz irakasle eta trebakuntza osagarriaren arloko arduradunaren esanetan: “Hainbat elkartetako ordezkariekin batu ginen, eta gizarteratze teknikari askoren artean inkestak egin genituen. Behar nagusiak definitzea zen helburua. Gehienbat trebakuntza beharrak zeudela ikusi genuen”. Horren arabera diseinatu dute aurtengo trebakuntza eskaintza.
Jardunaldiak
Diagnostikoak hiru fase ditu. Lehenengoa trebakuntza osatzera bideratu dute, eta bigarrenaren helburua lanpostuaren funtzioetan sakontzea izango da. Horretarako, jardunaldi batzuk antolatu dituzte 2017 hasierarako, urtarrilaren 10a gizarteratze teknikarien nazioarteko eguna da eta: “Hausnarketarako gune bat izango da”. Azkenik, ekainean, diagnostikoaren emaitzak aurkeztuko dituzte.