Ibilgailuen Azterketa Teknikoa egiten den eremutik gertu, auto istripu bi jazo dira gaur Zornotzan, N-634 errepidean eta Bilborako noranzkoan. Furgoneta bik talka egin dute, eta sortutako pilaketen ostean, hiru autok atzetik jo dute elkar. Gutxienez hiru lagun eraman dituzte Galdakaoko ospitalera zauri arinekin, Ertzaintzaren arabera. Errepidea normaltasunera ekartzeko lanean dabiltza.