Lau urte “gogor, baina aberasgarri” izan direla dio Julen Baz tabernako arduradunetako batek eta bezeroei esker ona erakutsi eta urteurrena ospatzeko hainbat ekintza prestatu dituzte: “Azken baten, bezeroak dira proiektua aurrera eramaten lagundu digutenak”. Gaur, 20:00etan, Kepa Agirregoikoa gaztagile zornotzarrak hitzaldi bat eskainiko du eta gazta dastaketa batean parte hartzeko aukera ere egongo da.
Urriaren 23rako (21:00etan) Lau Hare Ale taldearen kontzertua lotu dute. Azaroaren 20an hasi eta aste osoan zehar Zornotzako artisten Gastro-expo erakusketa prestatuko dute. Azkenik, abenduaren 18an, 21:00etan, Botxo Boogies taldearen kontzertuagaz amaituko dituzte Urtza tabernaren laugarren urteurreneko ospakizunak.