Amuategi batailoiko Primo Bastida Garitagoitia milizianoa izan zen faxismoaren kontrako borrokan hil zen lehenengo zaldibartarra, eta errepresaliatu guztiei omenaldia egiteko, Bastida hil zuten eguna (urriaren 25a) aukeratzea proposatu zuen, atzoko osoko bilkuran, EH Bilduk.
EH Bilduren proposagaz adostasuna agertu zuten jeltzaleek, atzoko osoko bilkuran, eta omenaldi eguna zelan planteatu denen artean eztabaidatu eta adostuko dutela adierazi zuten. Udalbatzak ebazten duen lekuan Bastida eta faxismoak hildako beste 27 zaldibartarren izenak jasoko dituen oroitarri bat ipiniko dute, besteak beste.
Fusilatuak, borrokan hildakoak, errefuxiatuak, presoak, zaurituak, zein beraien ondasunen lapurreta jasan zutenak omenduko dituzte urrian udalak antolatuko dituen ekitaldi horietan.