Bihar ere hainbat ekintza izango dira, Zaldibarko Gaztetxean. Desafio bitxiak jokatuko dituzte, esaterako, 12:00etatik aurrera parte hartzera hurreratzen direnek: oliba-hezur jaurtiketan eta limoi janean zein baino zein jardungo dira. Oliba eta limoiekin ahobizarra kenduta, bazkaritarako elkartuko dira Zaldibarko Gaztetxean.
Musikagaz jarraitu eta amaituko dute zapatukoa: Polekeleke elektrotxaranga ibiliko da 18:30etik aurrera kalea musikaz girotzen, eta Skaleak eta Bad Sound System taldeek joko dute, 23:30ean, gaztetxean.
Joan zen asteburuan abiatu zuten neguko jaien egitaraua Zaldibarren, neguko azoka eta San Andres tiro txapelketarekin. Hain zuzen ere, Arku Taldekoek jaurtiko dute, gaur iluntzean, San Andres jaien txapligua. Ondoren, Koral elkarteko txistulari eta buruhandiekin kalejira egingo dute.