Durangaldeko, Lea-Artibaiko eta Busturialdeko nekazariei luzatu diete gonbidapena. Eztiarena da salbuespena: Bizkaiko ezti ekoizle guztiek parte hartu ahalko dute azokan.
Ohi bezala, barazki eta fruta, txakolin, ogi, gazta, zein ezti loterik onenak saritzeko hainbat lehiaketa burutuko dituzte, azoka egunean. Gainera, ondoen dekoratutako azokako erakusmahaiari 125 euroko saria ere emango diote.
Udalak proposatuta, zaldibartar talde batek osatuko du lehiaketako epaimahaia.