Udaleko Euskara Zerbitzuak jakitera eman duenez, ikastaroa iragan ikasturtean egin izana, %80ko asistentzia egiaztatzea, eta eskatzailea Zaldibarren erroldatuta egotea dira diru-laguntza eskatu ahal izateko baldintzak.
Trinkotasun handiko ikastaroetan ibili direnek matrikularen kostuaren %50 berreskuratu ahalko dute, eta asistentziaren arabera, matrikularen %75 edo %100 ere jaso ahalko dute trinkotasun txikiko ikastaroak egin dituztenek.
Diru-laguntza jasotzeko eskaria egin gura dutenek, matrikularen ordainagiria, euskaltegiaren informea, eta diru-laguntza helbideratzeko kontu zenbakia aurkeztu beharko dituzte, urriaren 15 orduko, udaletxean.