Korrika egiteko pistan harea botako dute, besteak beste. Izan ere, ingurua atondu dutenetik, gero eta gehiago dira bertan kirola praktikatzen duten herritarrak. Gainera, 20 zuhaitz landatuko dituzte Dorretxearen inguruan.
Olazar futbol zelaia zenaren ingurua hobetzen jarraitzeko helburuz, aurrerago mahaiak eta aulkiak ipintzeko asmoa ere agertu du gobernu taldeak.