Taldea martxan ipintzeko abiapuntu gisa, udalak euskararen erabilera bultzatzeko dauzkan baliabideak zeintzuk diren azaldu zieten udal arduradunek batzarrean parte hartu zutenei; zer aurrekontu eta giza baliabide dauden proiektuak aurrera ateratzeko, esaterako, eta zer arautzen duten euskararen erabileran indarra egiteko udalak onartu dituen planek.
Datozen bi urteetarako batzordeko partaide izango direnen behin betiko izendapenak egingo dituzte hurrengo asteetan elkarteek, eta hilabete barru elkartuko da berriro Euskararen Aholku Batzordea.