Arazo horiek konponduta daudela adierazi du alkateak. Hala ere, araztegiarena azken urteetan udalaren agendan dagoen gaia da. Araztegi “zaharra” da, eta, gainera, erreka ondo-ondoan egoteak arazoak sortzen ditu. Alde batetik, euri asko egiten duenetan “ingurua urak hartzen du”. Bestetik, erreka araztegi inguruko lurra jaten ari da apurka, eta “hondoratzeko arriskua” ere hor dago.
Udalak “urteak” daramatza Aldundiko eta Jaurlaritzako ingurumen sailagaz zein URA agentziagaz “araztegi berri bat egiteko alternatiba bila”, dio Armendarizek, eta bide horretan jarraitzeko asmoa dute.