Ruta ez da lurrikara gertatu zen ingurukoa — 800 km-ra dagoen Milanetik etorri zen Otxandiora— baina jazoera latz hark “barrua irauli” ziola azaldu du. Horregatik, bere ekimenez, eta Herri-olako Alkarregaz prozesuagaz batera, bazkari solidarioa antolatuko du domekan, 12:30etik aurrera, Otxandioko plazan. Amatriciana izeneko saltsagaz prestaturiko espagetiak gertatuko dituzte: “Mundu osoan ezaguna den saltsa da”, dio Rutak. Osagaiak herriko taberna eta denda guztien ekarpenari esker lortu dituzte. Bazkaritik jasotako dirua Italiako Gurutze Gorriak hondamendian kaltetutakoei laguntzeko zabaldutako kontu korrontean sartuko dute, Otxandioko herritarren izenean.
Ametrice ingurua eta lurrikaren ondorioak ezagutara emateko azalpenak ere emango ditu Alessandro Rutak, beren beregi horretarako prestatutako materialaren laguntzagaz. Bazkarian, Italiako zonalde hartako hainbat abesti kantatuko ditu.