Eredu industrialetik irten eta garagardoa artisau eran ekoizten hasi diren proiektu berriak ugaritu egin dira azken lau-bost urteetan, eta horientzat denentzat erakusleiho izan gura du azokak.
Sondika, Gordexola, Gasteiz, Bilbo eta Medina del Pomar-eko (Burgos) ekoizle banak euren postua izango dute. Bisitariak eurei buruz gehiago jakiteko zein garagardoa probatzeko aukera izango du.
Parrillada eta kale animazioa
12:00 aldera hasita, iluntzera arte antolatuko dute azoka. Bertan bazkaltzeko aukera ere egongo da, han inguruan parrillada bat egingo dutelako. Arratsalde osorako kale animazioa prestatu dute. Iluntzean DJ Lander Ground-en musikak emango dio errematea egunari.