Lanen barruan, Mainondon dagoen eskolari estalki berezi bat jarri diote, energetikoki eraginkorragoa izan dadin, eta leihoak ere aldatu dituzte. Kanpoaldea hainbat berde tonu erakusten dituen material bategaz jantzi dute.
Eskolak logotipo berria izango du ikasturte honetatik aurrera, eta irudi hori sarrerako fatxadan ikusi ahalko da. Hiru metroko luzera eta beste hainbesteko zabalera duen metalezko xafla batean landurik jarriko dute. Maiatzean logotipo berrirako proposamenak jasotzeko eskolatik egindako deialdiak ez zuen arrakastarik izan. Ondorioz, udaletik kudeatu duten gaia izan da.
Sukaldeko lanak
Eskolako sukaldeko lanak ere amaituta daude. Neguan udalak gas azpiegiturak egin zituen. Ondoren, Jaurlaritzako Hezkuntza Sailak sutegi berriak jarri zituen fatxadako lanak hasi aurretik.