Ondasun Higiezinen gaineko Zerga 0,1 igotzea erabaki zuten: 0,8tik 0,9ra. Azken hamar urteetan igo ez den zerga izan da, eta tamaina antzerakoa duten Bizkaiko gainerako herrien azpitik egon da, azaldu zutenez. Gainerako zerga eta tasetan gizarte politikak aplikatuz orekatu gura dute igoera.
Trakzio Mekanikodun Ibilgailuen gaineko Zerga zaldi fiskalik gehien dituztenei igo diete. Kalkulatu dutenez, auto jabeen %90ek (500 bat auto) ez du igoerarik jasango.