Etxerik etxe konpost proiektuan parte hartzeko izen-emate orri bat banatu dute. Orri hori bete, eta udalean entregatu behar da. Bestela, posta elektronikoz (idazkaritza.otxandio@bizkaia.org) eta udaletxeko telefonora deituta ere eman daiteke izena. Konposta egiteko aukera bi daude. Bata, autokonposta da, hau da, nork bere ortu edo lorategian egitea. Bigarren aukera auzokonposta da: herrian zehar dauden berdeguneetan beste herritar batzuekin batera konposta egitea, hain zuzen.