Euskararen alde egotetik, euskararen alde egitera! Hori da aurtengo Euskaraz Bizi egunerako EHEk aukeratu duen leloa. Otxandion, aktibo izate hori nabarmenduko dute zapatuko jaian. Deialdian azaldu dutenez, "euskaraz bizitzea gure esku dago, baldin eta hiztun aktiboak bagara. Egotea ez da nahikoa; egin egin behar dugu, indarrak eta grinak batu, gogoak martxan jarri, euskaldunak ahaldundu eta herri euskalduna mugiarazi".
Egitaraua
Mendi irteerarekin hasiko dute zapatuan Euskaraz Bizi eguna, 09:00ak aldera. Katntu-poteoa, artzain-txakurren erakustaldia eta umeentzako jolasak izango dituzte. Eguerdi partean herri bazkarirako elkartuko dira. Arratsaldetik aurrera hainbat musika talde ikusteko aukera egongo da: Gibelurdinak, Luhartz eta Governors, esaterako. Hemen duzue zapatuko egitarau osoa.