Aurten hirugarren aldiz ipiniko dute martxan ekintzaileei laguntzeko programa, urtarrilean hasi eta maiatz ingurura arte. Izan ere, orain urte batzuk egindako Enplegu Planean irtendako ondorioetako bat ekintzaileei euren proiektuak aurrera ateratzen laguntzeko beharrizana dagoela izan zen. Orain arte martxan jarritako programek harrera ona izan dute, eta horregatik erabaki dute aurten ere errepikatzea.
Zuiako kuadrilla Aramaio, Arrazua-Ubarrundia, Legutio, Urkabustaiz, Zigoitia eta Zuia herriek osatzen dute, baina Otxandio ere badago Enplegu Planaren barruan.