Ondasun higiezinen gaineko zergan, aurretik zeuden hobariez gainera (familia ugariei eta etxebizitza sozialei, esaterako), eguzkiaren energia aprobetxatzeko eta elektrizitatea sortzeko bestelako sistemak instalatzen diren ondasun higiezinetarako hobari berriak sortu dituzte: hobaria %50ekoa izan ahalko da, instalazioan erakunde eskudunak homologatutako kolektoreak erabiltzen baditu. OHZan hobariak daude Eusko Jaurlaritzaren Etxebizitza Hutsen Programan parte hartzen duten jabeentzat (%50eko) eta hondamendi naturalak izandako eremuetako higiezinentzat: azken kasu horretan %99ko hobaria lortu ahalko da.