Orain arte, basozaintzatik sortutako egur sortak tokian bertan markatu edo lurrera bota, eta herritarrak, udaletxean eskaera egin ostean, bertara joaten ziren materiala jasotzera. Baina Santi Uribe alkatearen esanetan, “herritar batzuek gustura hartuko lukete egurra etxean bertan”. Beraz, ordenantza berrian aukera hori jaso dute: gura duenak aukera izango du egurra, apeatan ebakita, etxean jasotzeko. Kasu horietan, lehen egur sortagatik ordaintzen zenari gehigarri bat jarriko zaio.