Mozioan nabarmendu dutenez, otxandiarren gehiengoa ez da bandera espainolagaz identifikatuta sentitzen: "ikur arrotza da herritarren gehiengoaren begietara". Espainiako arazoa demokrazia eza dela kritikatu dute testuan: "estatu demokratiko batek gehiengo hori errespetatuko luke, besterik gabe, naturala delako, normala delako".
XXI.mendean Espainia "kultura politiko atzerakoia" izaten dabilela salatu dute: "Kultur-adierazpide minorizatuak balioan jarri eta sustatu ordez, kultur homogenizazioa; eta erabakimen eta auto-gobernantzako tesnak arautu ordez, zentralizazioa. Horixe Espainiaren eskaintza gure herriarentzat".
Etorkizunari "baikortasunez" begiratzeko mezua zabaldu gura izan dute mozioagaz. Erabakitzeko eskubidearen aldarria egin dute: "Herri gisa antolatu behar gara horretarako, alderdi-interesen gainetik, gizarte zibilaren parte hartze aktiboa bilatuz, Euskal Herriari etorkizun libre eta demokratiko bat esakintzeko helburuz".
Mozioa gobernu taldearen botoekin onartu dute. EAJ abstenitu egin da.
